Gofal Arfordir - Denu Cymunedau Arfordirol i gymryd rhan yn y gwaith o Reoli’r Arfordir

Mae Gofal Arfordir yn cynnwys grwpiau gwirfoddol o amgylch arfordiroedd Cymru ac Iwerddon sydd yn mabwysiadu rhan o’u hoff draeth neu ddarn o’r arfordir er mwyn canolbwyntio ar ofalu amdano’n barhaus. Cefnogir y grwpiau gan staff Arfordir Glân sydd yn rhoi cymorth, cyngor a hyfforddiant ac sydd hefyd yn ddolen rhwng y grwpiau a chyrff swyddogol sydd â diddordeb yn yr arfordir.

Gall y grwpiau hefyd fwynhau rhwydweithio gyda grwpiau cyffelyb gan rannu eu profiadau a dysgu oddi wrth y naill a’r llall.

Mae Gofal Arfordir yn weithgaredd awyr agored y gall ystod helaeth o bobl ei fwynhau - oedolion, myfyrwyr ysgol a choleg, ynghyd â grwpiau arbennig megis rhai ag anawsterau dysgu.

Derbynia’r grwpiau Lawlyfr Gofal Arfordir sydd yn cynnwys cyfarwyddyd cynhwysfawr ar gychwyn y gwaith, iechyd a diogelwch, arian ar gyfer y grŵp, hyfforddiant, cyhoeddusrwydd, rhifau cyswllt a manylion eraill defnyddiol.

Cynlluniau a Grantiau Gofal Arfordir

 Er mwyn sicrhau y gwneir y defnydd gorau o waith y gwirfoddolwyr dylai’r grwpiau newydd gynnal arolwg traeth amlinellol a llunio cynllun gwaith. Bydd y Swyddogion Prosiect yn barod i gynorthwyo gyda hyn a bydd modd diweddaru’r cynllun wrth i’r grŵp ddatblygu.